To mindre trafikkuhell i helga
Torgeir Fosse melder om ei roleg helg for politiet. To bilar som køyrte av vegen var alt han hadde å fortelja om.
I Høylandsbygd på Halsnøy vart det observert eit køyretøy som kræsja borti ein koplingsboks i 19:30-tida laurdag. Føraren køyrte frå staden.
– Me har etter kvart fått kontakt med føraren og oppretta sak på dette, fortel Torgeir Fosse.
Annonse
Koplingsboksen vart skadd i samanstøyten, og no held politiet på med å finna ut kven som er eigaren av den.
I autovernet
Ved Ljosnes var det ein bil som hamna i autovernet. Føraren varsla politiet kl 22:10 søndag.
– Kanskje nokon har lagt merke til at autovernet der er litt på skakke. Føraren fortalde at det var vassplaning som var årsaka til ulukka. Politiet trong ikkje rykka ut her, og me opprettar ikkje sak på dette, seier Fosse.
