To bilar glei av vegen
Det var glatt og nysnø i deler av Kvinnherad fredag morgon. Politiet vart varsla om to trafikkuhell i løpet av eit par timar.
Publisert
Det fyrste uhellet skjedde cirka klokka 06.30 i Skotafjæro mellom Austrepollen og Nordrepollen. Politiet trengte ikkje rykka ut.
– Ein bil glei av vegen og hamna i fjellveggen, men det var ingen personskade. Ein entreprenør kom til staden og hjelpte til med å rydda opp, opplyser politistasjonssjef Sigurd Børve.
Annonse
Litt over klokka 09.00 var ulukka ute i Gravdalssvingen på Halsnøy, ikkje langt frå Høylandsbygd.
– Her var det ein bil som sklei av vegen og ut i ein bekk. Heller ikkje her oppstod det personskade, og sjåføren ordnar sjølv hjelp til å trekkja bilen opp av vegen att, seier Børve.
