Tiltalt for køyring i narkorus og fleire brot på våpenlova

Tilbake i sommaren 2018 skal mannen ha køyrd bil frå Årsnes til Rosendal til tross for at han var påverka av narkotika. Det skal mannen også ha vore då han køyrde bil på austlandet ein vårdag i 2020.

Det er den fyrste av i alt ti tiltalepunkt ein mann i 30-åra må svara for når han skal opp i retten i midten av januar.

I tillegg står han tiltalt for bruk og oppbevaring av narkotika ved fleire høve, køyring utan førarkort og forsikring, samt å vera i eigarskap av fleire våpen.

Det er lagt ned påstand om inndraging av eit kikkarsikte, eit forfalska polititenestebevis, ein gasspistol, ein luftpistol, ein sambandsradio, ein skotsikker vest, diverse ammunisjon og ei hagle.

Det er sett av éin dag i retten til å behandla saka.