Tiltalt for å svindla ni via Finn
Ein mann i 30-åra må møta i retten i november for å svara for ni ulike svindeltilfelle.
Publisert
Ein kvinnhering er tiltalt for å ha svindla ni personar via Finn.no og Facebook for over 80.000 kroner til saman. Éin person betalte 50.000 kroner til mannen for myntar og setlar som var averterte på Facebook «trass i at han ikkje hadde nokon intensjon om å senda vara», som det står i tiltaleavgjerda.
I dei åtte andre svindeltilfella i tiltalen er objekta han har fått betalt for enten mobiltelefon eller Playstation. I tiltaleavgjerda går det fram at alle tilfella har funne stad innanfor ein periode på ti månader frå i fjor sommar til i år.
Annonse
Politiadvokaten legg mellom anna den påstand om tap av retten til å bruka Vipps og Finn.no, jamfør straffelova §56, i tillegg til at det blir lagt ned påstand om erstatning og oppreising til dei fornærma.
