Tiltalt for å ha stole bil i narkorus

Ei kvinne må møta i retten tiltalt for å ha stole ein bil og køyrd rundt langs Kvinnherad-vegane i rusa tilstand tidlegare i år.

Kvinna, som i følgje tiltalen var rusa på narkotiske stoffar tilsvarande ein alkoholpåverknad på over 1,2 i promille, skal ha stole ein bil frå ein arbeidsplass og vidare køyrd rundt om i området fram til bilen gjekk tom for drivstoff.

Kvinna er også tiltalt for å ha køyrd bil utan førarkort og for bruk av narkotika.

Saka skal opp i tingretten 12. oktober.