Tilskot til seks friluftstiltak i Kvinnherad
Ei rekke organisasjonar innan friluftsaktivitetar i Vestland fylke får støtte til ulike arrangement og prosjekt i 2024. Fleire av prosjekta er i Kvinnherad.
Publisert
Hovudutval for kultur, idrett og inkludering i Vestland fylke fordelte pengar til to ulike støtteordningar i førre møte. Fyrst løyvde dei 2,9 millionar kroner til friluftsaktivitetar i 2024.
– Gjennom støtte til frivillige organisasjonar bidreg Vestland fylkeskommune til naturopplevingar, sosial utjamning og ei positiv utvikling for folkehelsa, seier leiar Jacob Nødseth (V) til fylket si heimeside.
Annonse
Følgjande prosjekt i Kvinnherad får støtte:
Aktivt Pusterom AS, sommarleir med friluftsliv i fokus, 70.000 kroner.
Friluftsrådet Vest, sommarleir for ungdom i Kvinnherad, 70.000 kroner.
Friluftsrådet Vest, friluftsskule i Kvinnherad, 40.000 kroner.
Annonse
Friluftsrådet Vest, Kvinnherad/ Stord/Etne/Fitjar - innføring i norsk friluftsliv for nye landsmenn, 70.000 kroner.
Kvinnherad Turlag, samarbeid med valfag friluftsliv, 30.000 kroner.
Kolsøya
Det vart i same møte fordelt tilskot til tiltak i statleg sikra friluftsområde. Her var potten, som kjem frå Miljødirektoratet, på 5,8 millionar kroner. Ordninga skal bidra til tilrettelegging og skjøtsel, slik at områda blir lett tilgjengelege og attraktive for friluftslivet i fylket.
Friluftsrådet Vest søkte om to prosjekt i Kvinnherad. Kolsøya i Høylandssundet vart tildelt 180.000 kroner, medan Bjøllebøvågen på sørsida av Borgundøy diverre vart avvist.
