Tilset Mehammer som administrerande direktør
Styret i Tronds Marine Service AS har tilsett Kjartan Mehammer som ny administrerande direktør i selskapet.
Publisert
Sist oppdatert
Mehammer har fungert i stillinga sidan i sommaren 2022, då dåverande daglege leiar Arild Vik brått gjekk bort. No held han fram på permanent basis.
– Eg er takksam for denne mogelegheita, og går audmjuk til oppgåva. Laget i Tronds Marine består av dyktige, løysningsorienterte menneske og eg gler meg til å ta fatt på jobben, seier Kjartan Mehammer i ei pressemelding i samband med tilsetjinga.
Annonse
55-åringen har jobba som administrasjonsleiar i selskapet sidan oppstarten i 2016, har utdanning frå Handelshøyskolen BI og mange års bransjeerfaring innan både sal, prosjekt og økonomi, går det fram av meldinga.
– Me er veldig fornøgde med at Kjartan påtar seg denne utfordringa, og gler oss til å jobba videre saman med han og resten av organisasjonen for å utvikla verksemda videre som ein leiande aktør i sitt segment, uttaler styreleiar Arthur Duus i pressemeldinga.
Tronds Marine Service AS er 100 prosent eigd av Meidell AS og har base i Høylandsbygd.
