Tilkjent full erstatning og saksomkostningar
I ein rettskraftig dom frå tingretten er Dimmelsvik Entreprenør tilkjent full erstatning og saksomkostningar på totalt 3,5 millionar kroner etter ein kontraktstvist med PEAB.
Publisert
Tvisten oppstod i samband med bygginga av nye Fureberg bru, ein kontrakt som partane inngjekk for nokså nøyaktig fem år sidan, 6. februar 2019.
Dimmelsvik Entreprenør meinte å ha gjort ekstraarbeid dei ikkje hadde fått betalt for, og tvistesaka var oppe i Haugaland og Sunnhordland Tingrett 5. og 6. desember 2023. Peab aviste kravet på formel grunnlag, og meinte kravet var vasla for seint.
Annonse
– Dimmelsviks krav er etter rettens syn utelukkande er grunngjeve i forhold som Peab som hovudentreprenør har ansvaret for. Det var Multiconsults prosjektering etter kontraktsinngåinga som var årsak til endringsarbeidet. Peab hadde gjennom sin kontrakt med byggherren pkt. 22.2 påtatt seg ein risiko for grunnforholda, slik at berre vesentlege avvik kunne påberopast, skriv tingretten i domsavseiinga.
Vederlagsjustering
Retten landa på at Dimmelsvik Entreprenør som eit utgangspunkt hadde krav på vederlagsjustering på kr. 2 210 624,- for arbeidet vest for brua.
– Retten har etter dette kome til at Dimmelsvik har krav på vederlagsjustering på kr. 2.794.000,-. Dimmelsvik har også kravd forseinkingsrenter. Det er på det reine at krava ikkje er fakturert. Dimmelsvik har gjort gjeldene at regelen om påkrav i forsinkelsesrenteloven § 2 gjeld, og at forseinkingsrente vert rekna frå 30 dagar etter forliksklagen, dvs. 21. desember 2021, konkluderte tingretten.
Annonse
Dimmelsvik vart tilkjend etter dette kr. 506.477,- i sakskostnader frå Peab. I tillegg kjem rettsgebyret.
– Me har ikkje noko anna kommentar enn at me er glade for at retten har gitt oss støtte i vårt krav, kommenterer Dimmelsvik Entreprenør kort til Grenda.
Ankefristen til Peab gjekk ut 30. januar utan at dei nytta seg av han. Dommen i tingretten er no rettskraftig, og vil bety at Dimmelsvik Entreprenør får betalt som kravd.
