Til BT: – Overtar veldriven hotellperle
Det er brørne Tom og Iwan Eide Knudsen som har kjøpt Rosendal Fjordhotel.
Publisert
Sist oppdatert
Til Bergens Tidende seier Tom Eide Knudsen at dei har tenkt å driva hotellet vidare sjølve, og at dei overtar eit veldrive hotell når dei no har kjøt Rosendal Fjordhotel. Avisa konstaterer også at brørne delte 84. plassen på bladet Kapital si liste over dei 400 rikaste i Norge, og med ein samla formue vurdert til å vera på 8,8 milliardar kroner.
Det er altså relativt solide investorar som no overtar som eigarar av det over 50 år gamle hotellet.
Annonse
– Motivasjonen for å kjøpa hotellet er at det ligg i fantastiske omgjevnader. Alle kjenner til Baroniet i Rosendal som ligger berre nokre hundre meter frå hotellet, seier Tom Eide Knudsen til BT.
– Hotellet er veldrive og velhalde slik det er, og me skal etter kvart vurdere korleis me skal utvikla det videre. Me skal bringa det til nye høgder, lover Eide Knudsen til BT.
Det går fram av artikkelen at familien har hatt glede av hotellet ved fleire høve, og skildrar kjøpet som «ei av hotellperlene ved Hardangerfjorden».
