– Tek sterk avstand frå påstandane

– Dette tek vi sterk avstand frå, seier sektorleiar Sigbjørn Øye om Norwegian Pipeline Drilling sine uttalar om løgn og bedrageri frå kommunen si side.

– Vi held tilbake økonomiske midlar fordi NPD ikkje har levert i samsvar med kontrakten, så enkelt er det, seier Sigbjørn Øye, og legg til:

– Det vil vera lite hensiktsmessig å gå inn i detaljane i saka her i media. Tvisten gjeld mange tema og problemstillingar, der grunntilhøve er ein av desse. Kommunen er ueinige i kravet sendt frå NPD, og må difor forhalda seg til at retten skal avgjere dette.

Rettssaka er sett opp i slutten av april, men før den tid er det planlagt rettsmekling i januar.

– Så får vi ta det derifrå, avsluttar Sigbjørn Øye.