Tek opp bekymringsmeldingar om Erslandsparken
Kvinnherad Senterparti har fått opplyst at Erslandsparken på Sandvoll framleis ikkje er ferdigstilla. Dei har også motteke nokre bekymringar kring parken, og ynskjer difor at ordførar avklarar ei rad spørsmål.
Publisert
Det er Veronica Thorkildsen Thorsen (Sp) som har sendt inn spørsmål om Erslandsparken til torsdagens møte i kommunestyret. Dei i alt seks spørsmåla lyder slik:
1. Er rulleskiløypa laga i tråd med vedtaket i kommunestyret?
Annonse
2. Er det no ei godkjent rulleskiløype eller ei turløype? Dersom det ikkje er ei godkjent rulleskiløype, vil då kommunen gjera tiltak som gjer at denne også kan brukast av nybyrjarar på rulleski? (viser her til svingutbetring/nedkøyrsel).
3. Ligg det føre eit resultatrekneskap for prosjektet?
4. Mange har allereie tatt parken i bruk. Er alle byggetrinna i prosjektet ferdigstilla? Er det sett dato for ferdigstilling av parken? Om ikkje, når kan ein forvente at denne vert sett?
5. Kva vurderingar er gjort for å ivareta tryggleiken til brukarar av parken?
Annonse
6. Er det laga vedlikehaldsrutinar for parken?
