Tak blåst av på Halsnøy: - Det var naudsynt å sikra grunna farlege stålplater
Brannvesenet rykte ut etter at delar av eit tak på eit uthus på Halsnøy hadde blest av. Grunna farlege stålplater har mannskapet frå Halsnøy vore å sikra uthuset.
Publisert
Sist oppdatert
Like etter klokka 15 melde 110-sentralen at brannvesenet rykte ut til ein bustad på Halsnøy etter at delar av tak hadde blåst av. Like etter skreiv Vest politidistrikt på Twitter at det var delar av eit tak på eit uthus.
Brannsjef Atle Josdal fortel til Grenda på staden at mannskapet frå stasjonen på Halsnøy har vore å hjelpt eigar med å sikra taket.
Annonse
– Det var naudsynt å sikra uthuset grunna farlege stålplater. No er det under kontroll, men om vinden forverrar seg vil me rykka ut igjen til staden å kontrollera. Det er meir vind i vente utover dagen, og folk må berre ta kontakt dersom dei er bekymra for noko, seier Josdal.
