Synne spelte seg inn på rundens lag i 1. divisjon

Synne Eide Bjørnebøle tok igjen på seg servitørrolla då ho serverte Anna Østrem det som skulle bli kampens einaste scoring på Åsane Arena laurdag. Oransjetrøyene slo Grei 1-0, og held med det stand i toppen av 1. divisjon.

Etter 14 kampar ligg dei framleis berre to poeng bak ligaleiar Røa i 1. divisjon.

Synne sin prestasjon i kampen mot Grei har også gjort seg betalt i form av ein plass på rundens lag i 1. divisjon. Ho fekk ein 6-ar på børsen, og har med det fått plass på venstrebacken på rundens lag, melder toppserien.no.