Svikt i avlinga?
No kan gardsbruk med store avlingstap grunna klima søkje tilskot for å dekke inn tapt volum på årets produksjon.
Statsforvaltaren i Vestland opplyser om tilskotsordninga på nettstaden sin:
«For at eit føretak skal ha rett på tilskot ved produksjonssvikt må tapt volum av hausta fôr vere større enn 30 prosent. Dette inneber at føretak som har hausta meir enn 70 prosent av normal avling ikkje får tilskot ved produksjonssvikt. Tilskotet gjeld tap av avling på fulldyrka og overflatedyrka areal som er slått eller beita.»
Artikkelen held fram under annonsen.
For at ein skal kunne søkje tilskot blir det venta at kvart føretak gjer det dei kan for å få avlinga i hus. Det er likevel ein del forhold som kan skapa utfordringar i samband med vekst- og innhaustingsforholda, som til dømes tørke, mykje nedbør, flaum eller frost.
Fristen for å søkja er 31. oktober.