Svar til Bygdetunet Rød i forfall

Eg har sjølv vore på bygde tunet Rød ved fleire høve, og har tala med kjentfolk om at det må gjerast noko for å ta vare på bygningane. Eg vil gjerne møte dei som er med i dugnadsgruppa og slik kunne arbeide vidare med dette.

Kvinnherad kommune er glad for engasjementet, og er interessert i samarbeid med lokale krefter. Det finst fleire eksempel på at lokale folk har berga lokale kulturminne. Sunde kyst- og kultursenter blir flott, og Prestanaustet i Rosendal vart restaurert ved godt lokalt samarbeid.

Dersom vi skal greie å ta vare på kulturmiljø, er det viktig at lokale folk og kommunen har eit godt samarbeid. Dette er i tråd med kulturmiljøplana vår, kor vi skal arbeide for å i vareta, verne og formidle kulturmiljø våre.

Det er per i dag ikkje sett av midlar til restaurering og vedlikehald av kommunale kulturmiljø, noko som fører til innskrenka handlingrom for kommunen. Men, vi skal arbeide vidare for å få ressursar til dette og slik kunne ta godt vare på kulturmiljøa våre.

Bygdetunet Rød i forfall