Sunnhordland vassområde med ny faggruppe. Neste møte blir i Kvinnherad.

På agendaen sto mellom anna erfaringsdeling frå Haugaland vassområde, som har hatt slike fagsamlingar sidan 2017.

Åshild Irene Lie og Sven-Kato Ege meinte, ifølgje møtereferatet, at dei hadde hausta gode erfaringar frå det å samle folk innan VA-kommunane i deira region.

Den nyoppstarta faggruppa for Sunnhordland vassområde avgjorde at møtefrekvensen kunne vera 2-3 gongar i året, og neste møte er bestemt å vera i Kvinnherad ein gong tidleg på nyåret.

Kven som skal leia gruppa vil dei koma attende til, men «endringar i overvatn» er eitt av temaa som er meldt inn til det vidare arbeidet.

Det var Vestland fylkeskommune ved Kari Bjørndal, seniorrådgjevar og koordinator for Sunnhordland vassområde, som leia oppstartsmøtet.