Strid med private barnehagar: – Ikkje kjekk lesnad
Som Grenda nyleg skreiv, har tre private barnehagar i Kvinnherad klaga på driftstilskotet frå kommunen fleire år på rad. Førre veke vart saka tema i formannskapet.
Publisert
Sidan 2021 har Private Barnehagers Landsforbund (PBL) på vegner av barnehagane på Halsnøy, Handeland og Valen fleire gonger klaga på driftstilskotet som Kvinnherad kommune betalar ut. PBL skildrar det som ei bevisst trenering frå kommunen si side. No har Statsforvaltaren oppheva vedtaka til kommunen, som dermed må ta utrekninga på nytt.
Grenda hadde eit større oppslag om saka i papiravisa 4. juni. Det hadde Ove Lemicka (Frp) fått med seg.
Annonse
– Det var ikkje kjekk lesnad i Grenda, opna han i formannskapet førre torsdag.
Overraska
Lemicka meiner administrasjonen ikkje har informert politikarane om saka, noko han let seg overraska over.
– Vi må følgja norsk lov, og syta for at dei som driv private barnehagar i Kvinnherad får sine tilskot slik dei skal vera. Kan vi få ei grundig, skriftleg sak på dette? bad han.
Annonse
Vikarierande kommunedirektør Gunn Berit Sandnes Fosse fortalde at administrasjonen har jobba veldig mykje med saka.
– Vi har ingen problem med å leggja fram eit slikt skriv, lova ho.
