Straumstøttepakke til bedriftene: – Dei med straumrekning over 3% av omsetnaden kan søkja

– Me legg i dag fram ein tiltakspakke som skal koma dei mest råka bedriftene til støtte no i haust. Det me presenterer er eit samla forslag frå regjeringa, LO, NHO og Virke, sa Vestre då han starta pressekonferansen.

Ministeren heldt fram var at støtte også krev at bedriftene gjer energiøkonomiserande kartleggingar og tiltak. Totalt er pakken verdisett til tre milliardar kroner.

Dei viktigaste punkta var:

• Løyver 3 milliardar kroner til å trygga arbeidsplassar.

• Får på plass eit nytt regime med betre fastprisavtalar på straum for bedrifter, med nye skatteavtalar som gjer det lettare for produsentane. Ordninga startar 1. januar.

• Energitilskot blir ei ny ordning som kal hjelpa bedrifter som slit med å betala straumrekningane. Den skal også støtta raskare omstilling til å bruka mindre straum og auka produksjon.

• Ordninga beløner enøk-tiltak, og ingen får betalt ut éi krone utan å ha gjort enøk-tiltak.

• Det blir ikkje lov å ta ut utbyte i 2023 om ein får straumstøtte i 4. kvartal i år.

Energikartlegging 25% over 70 øre. Enøk-kartlegging og -tiltak: 45% over 70 øre. Jo meir enøk, jo meir støtte.

Då næringsminister Vestre gjekk gjennom bakgrunnen for støtteordninga, peika han åp rekordlåg arbeidsløyse i landet, på 1,6 %, fare for auka rente og at ein har lågare konkurstal enn før pandemien, men at desse er på veg opp.

– Det økonomisk biletet er meir nyansert enn under pandemien, sa ministeren.

Inngangsbilletten for støtte er at bedriftene har minst det som vart kalla 3 prosent straumintensitet, og at det er rundt 20.000 bedrifter landet over som blir treft av denne ordninga.

– Kraftkrevjande industri og petroleumsbransjen er ikkje med, då dei vanlegvis har eigne avtalar, sa ministeren.

Han eksemplifiserte straumintensitet for å visa kven som fell innan for ordninga

– Eit bakeri har i snitt 4,1 % straumintensitet i omsetninga si, restaurantar over 5%. Butikknæringa ligg på 12% i snitt, medan metallindustrien er på 24%. Mange vil falla inn i denne ordninga, slutta han,

Målet er at søknadane kan sendast inn i løpet av november. Søknadsperioden er 1. oktober til 31. desember.

Dette er ein overgangsordning fram til nytt regime trer inn 1. januar. Staten vil også tilbu ein subisert lånegarantiordning, der staten tar 90% av risikoen og makstaket ligg på 50 millionar kroner.

Det vart også påpeika at Norge treng å auka byggja ut meir fornybar kraft. Havvind og oppgradering av eksisterande kraftverk vart spesifikt nemnt.