Strålande innsats av damelaget
Førre helg spelte IL Trio sitt damelag i 2.divisjon to kampar i Bergen og på Sotra. Trass i ein litt redusert tropp grunna skade og sjukdom vann dei begge kampane.
Publisert
Sist oppdatert
«Helgas kampar viste kor brei og solid troppen til IL Trio er. Med fleire rutinerte spelarar ute fekk unge talent sjansen til å stå fram, og dei leverte verkeleg når det gjaldt. Både blokk-og forsvarsspelet var av høg klasse og lagånda var tydeleg gjennom heile helga», opplyser Øystein Lie Sundal til Grenda.
Damelaget sikra seg to sterke 1-3 sigrar mot høvesvis TIF Viking 3 og Sotra Volleyballklubb.
Annonse
To like sterke kampar
Laurdag spelte dei mot TIF Viking i Zinken Hopp Idrettshall. Kampen starta med ein knallsterk innsats frå IL Trio, som tok første settet 21-25. I andre sett fekk TIF Viking opp farten vann med 25-16.
«Tredje sett vart ein tett duell, men TIF Viking måtte gje tapt 22-25. I fjerde sett leverte IL Trio ei strålande laginnsats og sikra sigeren med 19-25», fortel Lie Sundal.
Sundag møtte Trio Sotra Volleyballklubb i Sotra Arena. Også her var det ei sterk opning frå Trio som vann første sett 19-25. Sotra svarte med å vinna andre sett 25-17.
Annonse
«I tredje og fjerde sett viste Trio styrke og erfaring, og med siffera 22-25 og 20-25 kunne dei feire nok ein siger» fortel Lie Sundal, og legg til:
«Med to sigrar i bagasjen kunne IL Trio reisa heim med stoltheit og sjølvtillit. Helga viste at laget ikkje berre har teknisk og taktisk kvalitet, men også ein imponerande evne til å stå saman og kjempa som eitt lag. Publikum kan sjå fram til fleire spennande kampar frå dette hardtarbeidande laget i tida som kjem».
