Støttar Barnekreftforeningen og TV-aksjonen med 100.000

Årets aksjon går til kampanjen «Sammen for små helter», i regi av Barnekreftforeningen.

– Me er glade for å kunna støtta årets TV-aksjon og Barnekreftforeningen sitt viktige arbeid, og bidra til at familiar unngår å bli splitta og at foreldre kan ta vare på alle barna sine, seg sjølv og kvar andre, seier fabrikksjef Jon Ola Ystgaard ved Hydro Husnes i ei pressemelding i samband med at han overrekte gåva til den lokale aksjonsleiinga tysdag.

– TV-aksjonen er ein fantastisk flott dugnad, og innsatsen som blir lagt ned av frivillige her lokalt på Husnes og over resten av landet er inspirerande, seier Ystgaard vidare.

I år går TV-aksjonen av stabelen søndag 20. oktober.