Stort utbyte frå Kvinnherad Energi

I generalforsamlinga til straumprodusenten Kvinnherad Energi vart det vedteke å ta ut eit utbyte på 11 millionar kroner, som i sin heilskap går til eigaren Kvinnherad kommune.

– Styret antyda at det er moglegheiter for å ta ut eit ekstraordinært utbyte på hausten, utan at ein sa noko om storleik eller når. Men det er ei sannsynlegheit for det, fortalde ordførar Hilde Enstad (Ap) til kommunestyret førre veke.

Ho la til at kommunen så langt i år har fått eit samla utbyte frå Eviny og Kvinnherad Energi på 27 millionar kroner.

– Vi hadde budsjettert med 20, så det er ein fin ting å ha med seg, sa Enstad.