Stort sjukefråvære i Vestland

Over 1,1 millionar planlagde dagsverk i Vestland blei ikkje utført på grunn av sjukdom i dei første tre månadene av 2022. Nesten halvparten av dei sjukemeldte hadde sjukdom i luftvegane, viser tal frå NAV Vestland.

I ei pressemelding frå NAV Vestland kjem det fram at fråværet auka i alle næringar, men at det har vore aller høgast innan helse- og sosial. Denne sektoren har hatt eit sjukefråvære på 9,3 prosent, mot 8,4 prosent i første kvartal i fjor.

Sjukefråvær i Kvinnherad

Kvinnherad kommune har i årets første kvartal hatt eit samanlagt sjukefråvær på 7,1 prosent.

Tala som NAV presenterer for kvar kommune skil mellom anna på tal for kvinner og menn. Kvinnene er gruppa med klart høgast sjukefråvære så langt i 2022. Kvinnelege arbeidstakarar står for 9,1 prosent av fråværet i Kvinnherad kommune, mot 4,5 prosent fråvere blant mannlege arbeidstakarar.

Vidare kan ein sjå at sjukefråværet er høgare jo eldre ein er. Dei som befinn seg i aldersgruppa 60-69 år har hatt 8,2 prosent fråvær i første kvartal, mot 6,1 prosent fråvære for dei i aldersgruppa 20-29 år.

Barneverntenesta: – Under tosifra sjukefråvær for første gong på mange år

Tal frå regionen

NAV Vestland legg til sist fram nokre fakta frå regionen:

– Høgast fråvær i Øygarden (7,6 prosent), tett følgt av Alver, Askøy og Hyllestad (7,5 prosent)

– Lågast fråvær i Aurland (3,3 prosent) og Gloppen (4,6 prosent)

– Sjukdom i luftvegane er årsak til 47 prosent av sjukefråværstilfella. Deretter kjem muskel- og skjelettplager med 18 prosent og psykiske lidingar med nær 11 prosent.

– Sjukefråværet i Vestland er det høgaste sidan første kvartal 2004. Då hadde Hordaland 6,9 prosent sjukefråvær og Sogn og Fjordane 6,2 prosent.