Storfavoritt til å vinne MGP

Laurdag opptrer ho i den første delfinalen av årets MGP. Elsie Bay, som er artistnamnet hennar, er ein av ti artistar som er sikra plass i finalen, 19. februar. Der skal ho med låta «Death of us» konkurrere mot tjue andre om den norske inngangsbilletten til Eurovision Song Contest.

Bookmakerane i Eurovision World meiner den unge musikaren frå Kvinnherad har gode sjansar for å gå heilt til topps, for ho tronar iallfall øvst på lista over dei 21 finaledeltakarane, med ein vinnarsjanse på 24%.

Skal ein tru på tabellen, er Elsie Bay sin største konkurrent Sobwoolfer, som stiller med den catchy låttittelen «Give That Wolf a Banana», som ligg inne med 18% vinnarsjanse.

Til NRK har artisten følgjande kommentar om at ho er storfavoritt:

– Det er heilt sjukt kult og over all forventning! Eg kjenner at eg ikkje heilt trur på det! Det kjennes veldig uverkeleg, spesielt når det er så mange bra låtar med!

Blant dei 21 artistane på finalelista finn ein kjende namn som Christian Ingebrigtsen, Alexandra Joner og Mira Craig, som ifølgje oddsen har 4, 3 og 2% sjanse til å blir Norge sin representant i den 66. utgåva av Eurovision Song Contest 2022, som skal finna stad i Toronto, Italia i mai.