I Ølve var dei også med på ryddeaksjonen under Strandryddeveka i førre veke.

Storfangst for elevane i Ølve

Sjuandeklassen ved Ølve Montessoriskule tok absolutt sin del av dugnaden under Strandryddeveka i førre veke, og enda opp med eit formidabelt resultat.

Journalist i Grenda
Publisert Sist oppdatert

Heile 11 sekkar med boss plukka elevane i sjuande klasse frå kringom svaberga og fjæresteinane.

Pensjonist og tidlegare Montessori-lærar Marit Bergheim Lyhammer tok med seg klassen ut i båt for å plukka med seg det dei måtte finna.

– Me fann mykje løye, alt i frå plastrøyr til kapsar og metervis på tau. Til og med ein slik kvit reflekspinne som står langs vegen fann dei i fjæra, fortalde Lyhammer over telefon måndag ettermiddag.

– Det var i grunn ein veldig kjekk dag, det kjendest meiningsfylt at ungane fekk sjå korleis det faktisk ser ut i naturen vår. Dei var veldig flinke, dei rydda og jobba godt, la ho til.

Det meste av fangsten fann dei allereie på fyrste stopp. Dei andre stadene dei var innom var litt reinare. Lyhammer kunne fortelje at der dei hadde vore og plukka året før framleis såg ganske bra ut. Frå venstre: Viljar, Savannah, Jonas, Malin og Milla.
Det er aldri godt å veta kva som kan dukka opp langs fjæra. Både plastdunkar og plastrøyr blei med i båten inn att til land.
Heile sjuandeklassen gjorde ein kjempeinnsats for eit reinare miljø langs strendene og svaberga i Ølve.
Milla og Jonas fekk kvila beina på eit lite berg av boss mellom alle stoppestadene.
Også mannen til Marit, Geir Lyhammer, var med for å hjelpa til. Grunna ekstra høg flo førre veka, har resten av skulen planar om å rydda boss fyrstkomande fredag i staden.
forureining miljøvern skular utdanning natur og miljø nyhende
Powered by Labrador CMS