Stor trafikkauke på Stord lufthamn
Stord lufthamn noterte seg for ein formidabel passasjerauke i 2024.
Publisert
Sist oppdatert
I ei pressemelding fortel flyplassjef Jan Morten Myklebust at 36.363 personar reiste med fly over Stord lufthamn i 2024. Samanlikna med 2023 er dette ein auke på 25.814 personar. Samtlege av dei reisande nytta seg av DAT si Oslorute. Kabinfaktoren på Osloruta var i 2024 på 62,2%.
«Årsaka til den positive trafikkutviklinga er god frekvens, gode rutetider og konkurransedyktige billettprisar. I tillegg tilbyr Stord lufthamn gratis bilparkering for kundane sine. Staten inkluderte frå 1. april 2024 flyruta Stord-Oslo i sine FOT-ruter. Dagens anbod gjeld fram til 31. oktober 2027», står det i meldinga.
Annonse
DAT nyttar flytypen ATR-42 med 48 passasjerseter, og flyg i dag 15 rundturar per veke på Osloruta.
«Grunna godt belegg og stor etterspørsel, vert det frå 4. mars sett inn éin ekstra rundtur på tysdagar», vert det opplyst.
Lufttrafikktenesta registrerte i fjor 6.800 flyrørsler på Stord lufthamn. Samanlikna med 2023 er dette ein auke på 626 flyrørsler eller 10,1%.
