Stor skogbrannfare i heile Sør-Norge
Yr har gult nivå på farevarselet sitt, men grunna det fine, tørre vêret trugar meteorologane med å justere dette opp til oransje.
Publisert
Sist oppdatert
I helga er det meldt om brannar i heile Sør-Norge, og faren for at det bryt ut skog- og grasbrannar er stor.
– Det har vore tørt ei stund. Spesielt no på våren, før det har blitt skikkeleg grønt, tørkar det ganske fort ut gamal, daud vegetasjon, seier vakthavande meteorolog Julie Solsvik Vågane til NRK.
Annonse
Pass på eingongsgrillen
Mange av brannane som har brote ut denne helga vore knytt til bruk av eingongsgrillar. Kvinnherad brann og redning minnar innbyggjarane om bålforbodet, som gjeld mellom 15. april til 15. september. I påminninga deira vert mellom anna bruk av eingongsgrill nemnd:
– Ver svært varsam med bruk av eingongsgrill. Slike er ofte årsak til gras- og skogbrannar. Plasser aldri eingongsgrillar på brennbart underlag. Eingongsgrillar skal sløkkjast heilt med vatn og leggast i eigen metallbehaldar etter bruk. Ved bruk av bålpanner gjeld same reglar som ved brenning av hageavfall. Bruk kun tørr og rein ved, eller grillkol.
