Stor skogbrannfare i heile fylket
Meteorologisk institutt melder at det no er stor skogbrannfare i heile Vestland fylke og deler av Rogaland.
Publisert
Sist oppdatert
Det var måndag føremiddag åtvaringa vart sendt ut. Varselet om stor skogbrannfare gjeld til og med laurdag kveld.
«Vegetasjon kan svært lett bli antent,og veldig store område kan bli berørt. Lokalt stor gras- og lyngbrannfare i snøfrie område inntil det kjem tilstrekkeleg nedbør», står det på nettstaden Varsom.no. Det vert gjeve råd om å ikkje bruka eld.
Annonse
Varselet er på oransje nivå, noko som betyr at det er høg sannsynlegheit for skogbrann og at brannen kan bli så stor at den er vanskeleg å handtera.
