Stor skiglede under sesongens første skirenn
I helga var det klart for sesongens første karusellrenn og Kvinnheradmeisterskap i langrenn. Mange trassa vêr og vind for å delta.
Publisert
Sist oppdatert
Hendinga fann stad i Fjellhaugen og det var Uskedal Idrettslag som inviterte. 32 unge skitalent fekk på seg dei blå trøyene og stilte til start. Blant desse var Helene Bjelland Skeie, Olina Hjelmeland, Maja Mehl og Johanna Hjelmeland, samt Maiken Mehl som deltok i skirennet, alle frå Omvikdalen IL.
– Det er litt surt i dag, men det blir gøy, sa dei like før karusellrennet var i gong.
Annonse
Karusellrennet gjekk sin gong i snø og blest, og då dei nærma seg målstreken, stod Gina Hella Berge-Soldal klar med medaljar og luer til dei alle.
– Det er ganske bra oppmøte i dag, iallfall i forhold til vêret. Me håpa i det lengste av meldingane ikkje skulle slå til, sa ho innimellom medaljeoverrekkingane.
Stig berge-Soldal kunne leggja til at deltakinga denne dagen var om lag på linje med eit vanleg kretsmeisterskap.
Gav alt
Annonse
Då karusellrennet var over, og dei litt større ungane hadde blitt varme i trøyene av å springa opp og ned til varmebua utan ski på beina, var det klart for skirenn i langrenn med enkeltstart og fristil. Her stilte 35 personar i ymse aldersklassar frå 8 – 70 år til start.
Då Grenda var på staden vart det observert smil og utmatting, nokre kasta seg pesande i snøen etter endt løp og fleire gav alt, både ut i frå og inn at på stadion, og fauk av garde i kappløp med vinden.
Alle deltakarane over 11 år vart rangert og premiert, og Kvinnherad har såleis fått fleire nye Kvinnheradmeisterar i langrenn.
Her er deltakar- og resultatlistene
