Stor auke dei siste åra

I fjor transporterte Fjelbergruta, som vitjar Sydnes, Fjelbergøy, Borgundøy og Utbjoa, 27.866 bilar og motorsyklar. Men når ein reknar om til personbileiningar, passerer ein faktisk 40.000. Talet er heilt konkret på 40.215. Det er 1.733 meir enn i 2022. Og ser ein attende til 2021, viste talet PBE berre 33.190.

Mogleg har auken samanheng med at sambandet vart gratis 1. juli 2022. Det vert heller ikkje kravd inn bompengar på Fjelbergruta.

Auken i 2023 var størst i mai. Størst nedgang vart notert i september.