Stolne hummarteiner i Herøysundet

Tredje nyttårsdag forsvann det fire hummarteiner som låg lagra ved eit naust i Herøysundet.

Kvinnherad lensmannsdistrikt fekk onsdag melding om at fire hummarteiner var forsvunne frå eit naust i Herøysundet. Teinene var lagra på land og var alle merka. No ynskjer politiet tips frå publikum.

– Om det er nokon som har sett eller høyrt noko om dette er vi takksame for tips, seier politibetjent Are Uppheim i Kvinnherad lensmannsdistrikt.