Sterk pluss for Hydro Husnes i første kvartal

Hydro Husnes presenterte tysdag eit resultat i første kvartal før renter, skatt og avskrivingar på 51 millionar kroner.

– Kombinasjonen stor etterspørsel og høgare aluminiumpriser er god for Hydro Husnes. I tillegg treff me bra med det auka volumet me får frå B-hallen. Dette gir utslag i forbetra og positiv resultatutvikling, seier fabrikksjef Johan Berg i samband offentleggjeringa av dei førebelse resultatat.

Ein sterk marknad og gode prisar på pressbolt, samt eit aukande produksjonsvolum som følge av oppstarten av B-hallen,

– Første kvartal har, som i store deler av 2020, også vore preget av covid-19-situasjonen, med endra arbeidsrutinar og nye måtar å løysa oppgåver på. Me har framleis strenge smittevernreglar, men organisasjonen har på ein imponerande måte likevel klart å løysa store oppgåver som oppstart av B-hallen og den daglege drifta, utan alvorlege hendingar og skadar, oppsummerer Berg.

Marknaden trassar pandemien

Hydro Husnes leverer aluminium pressbolt til bil- og byggebransjen i Europa, og har i tillegg no også starta leveranse av det nye spesialproduktet HyForge™, spesielt retta mot bilindustrien.

– Marknaden har utvikla seg bra sidan hausten 2020, og dette ser ut til å halda fram inn i 2021. På tross av pandemien, er det tydeleg at folk no investerer i hus og bil, analyserer fabrikksjefen.

Oppstart av B-hallen

Den 24.november 2020 ble B-hallen starta igjen, etter meir enn ti år ute av drift som følge av finanskrisa.

– Oppstart av B-hallen går bra og som venta. Me har no 75 prosent av B-hallen i drift, og me planlegg å ha heile hallen i full kapasitet innan utgangen av juni. Det blir jobba på ein sikker og kontrollert måte i heile organisasjonen for å fullføra prosjektet før sommarferien, avsluttar Berg.

Med B-hallen tilbake i full drift vil Hydro Husnes produsere 195 000 tonn aluminium i året.