Stengjer Fv 49 ved Nordrepollen ved midnatt

Dette melder Eivind Yttri, seksjonsleiar for vedlikehald, drift og beredskap i Vestland fylkeskommune onsdag ettermiddag.

Farevarsla har endra seg frå oransje til raudt nivå fleire stader i Vestland, og fleire vegar kan bli stengde. Avgjerda om å stenge utsette vegar vert gjort på bakgrunn av vêrprognosane, og vurderingar gjort av driftsentreprenør, geologar og byggherrepersonell, melder fylkeskommunen.

– Me følgjer situasjonen fortløpande og opnar vegane når vêrtilhøva tilseier det, seier Yttri.

Fv. 5446 Indre Haugsdalen i Masfjorden kommune er stengd grunna skred og fare for skred, medan Fv. 5586/fv.5442 mellom Oppedal og Ortnevik kan bli stengd grunna fare for skred.