Steinras i Åkra
Det har kome ned store steinblokker i vegen inn til Åkra, ikkje langt frå der eit liknande ras sperra vegen i lang tid i 2018
Publisert
Sist oppdatert
Steinane er komne ned til vegen og sperra ei stund vegen. Mesta sin operatør har vore på staden og rydda, slik at det no er framkome forbi rasstaden på fylkesveg 5024.
Rasest har gått rett etter Brekkesvingane mot Åkra, om lag ein kilometer frå bygda i området som lokalfolket kallar Dakota.
Annonse
– Kva som ligg oppi der og ventar anar eg ikkje, men det har sleppt litt oppi lia, fortel Lars Emil Berge frå rasstaden.
Det har ikkje lukkast Grenda å få vegeigar Vestlands fylkeskommune til å utdjupa situasjonen.
Marius Øvsthus, prosjektleiar i Mesta, stadfestar det har gått eit steinsprang i Åkra.
– Me har oppretta dialog med Vestlands fylkeskommune om raset. Steinane har stoppa i ei grøft, sjølv om eine steinen har gått over kvitstripa. Det stoppar såleis ikkje trafikken forbi staden. No skal ikkje eg forskottera kva fylkeskommunen vil gjera, men eg blir ikkje overraska om det blir sendt inn geolog for å sjå på staden, seier Øvsthus til Grenda.
