Statsstøtta til geoparkane utgår

Samarbeidsrådet for Sunnhordland haldt møte den 21. oktober. Ei av sakene som var oppe til orientering var Geopark Sunnhordland.

«Statsstøtta til geoparkane er falle ut av nasjonalbudsjettet og det kom innspel om å snakke med SV-politikarar om vegen vidare», heiter det i møtereferatet.

Vidare kom det fram at dagleg leiar i Geopark Sunnhordland, Brynjar Stautland, er kopla på oppgåva, og vil ta kontakt med aktuelle politikarar.

Ledd i prosessen

Saman med fagmiljøa ved UiB og NGU vart det søkt opptak i UNESCO Global Geopark Network hausten 2021. Denne hausten var ein delegasjon frå UNESCO på synfaring i Sunnhordland, som eit ledd i søknadsprosessen.

Målet er at Geopark Sunnhordland skal bli eit Unesco-sertifisert turistmål.

Geoparken skal óg gje oppveksande slekter innsikt i korleis landskap har oppstått og korleis berggrunnen har prega kulturen vår, heiter det på nettstaden til Geopark Sunnhordland.

Unesco-delegasjon vitja Kvinnherad

No er Geopark Sunnhordland offisielt stifta: – Ein merkedag