Statsministeren kjem på Kvinnherad-besøk
Fredag får Kvinnherad valkampbesøk av statsminister Erna Solberg.
Publisert
Sist oppdatert
Torsdag legg statsminister Erna Solberg ut på ei lita rundreise på Vestlandet. Ei reise kor statsministeren skal besøkja Ullensvang, Norheimsund, Kvinnherad, Stord, Austevoll og Bergen.
Det får Grenda stadfesta av pressesjef Cato Husabø Fossen i Høgre onsdag ettermiddag.
Annonse
Solberg kjem til Kvinnherad i den i augefallande ”Erna-bussen” fredag morgon, og skal bruka tida i kommunen på å vitja Hydro Husnes.
– Det er eit besøk vi ser fram til, seier Fossen til Grenda.
Same dag som Solberg vitjar til kommunen, kjem også Senterpartiet sin statsministerkandidat Trygve Slagsvold Vedum til Kvinnherad.
