Statsforvaltar-ja til fjerning av masse i Bergselva

Statsforvaltaren har likevel ikkje mynde etter forskrift for fysiske tiltak i vassdrag i denne saka.

Då tiltaket finn stad i ein såkalla oppstraums anadrom strekning, er det fylkeskommunen som må uttala seg, og søknaden om løyve til å fjerne massar i Bergselva i Herøysundet er difor sendt vidare til riktig instans.

Spørsmålet Kvinnherad kommune har bede om uttale i er om det er trong for løyve til masseuttak/flaumsikring i Bergselva.

– Me kan ikkje sjå at tiltaka er så omfattande at dei utløysar konsesjonsplikt, og bed difor om uttale frå dykk, skriv kommunen i brevet som vart sendt til NVE og Statsforvaltaren i Vestland 15. juli.

Ingen nemneverdig konflikt

Statsforvaltaren har likevel ansvar for å vurdere om tiltaket kan ha negative effektar på naturmangfald, landskap eller friluftsliv, og i svarbrevet deira har følgjande blitt markert i bolda tekst:

Statsforvaltaren vurderer at det kan takast ut masse ifrå Bergselva ved gamle Berge bru, utan at det vil kome i nemneverdig konflikt med naturverdiar utanfor elvestrengen eller på lakseførande strekning, eller landskap og friluftsliv.

Vidare vert det tilrådd at massane vert tekne ut under låg vassføring utanføre perioden mellom oktober og mai, då egg og yngel av laksefisk ligg i grusen nedstraums vandringshinderet.

NVE: Søknaden er mangelfull