Startar prøveprosjekt i barnehagane
I torsdagens budsjettvedtak står det at det skal setjast i gang eit prøveprosjekt med tanke på å auka grunnbemanninga i barnehagesektoren.
Publisert
Sist oppdatert
I budsjettet er det lagt inn 2,6 millionar kroner kvart av dei komande fire åra til prosjektet.
– Det er vanskeleg med ein sum på 2,6 millionar. Viss du skal smøra det utover ein haug med barnehagar, så blir det ein liten sum. Derfor legg vi opp til eit søknadsbasert system, der både private og kommunale barnehagar kan delta på lik linje. Hensikta er å få fram tiltak som sikrar auka plantid for pedagogar, og samtidig tilstrekkeleg grunnbemanning i opningstida, opplyste Per Harald Havnen Löfgren Johansen (Ap).
Annonse
Kommunedirektøren skal fastsetja nærare kriteria for korleis tildelinga av tilskotet skal gjerast.
«Føremålet med prosjektet er å auka kvaliteten for borna, auka grunnbemanninga innom sektoren, få ned sjukefråværet, og identifisera verknadsfulle/treffsikre tiltak/metodar for auking av grunnbemanning», heiter det i vedtaket.
Koalisjonen ynskjer at prosjektet skal starta så raskt som råd. Det skal evaluerast etter to år.
