Startar planarbeid for nye næringsareal
Formannskapet gjekk samrøystes inn for at kommunen no skal byrja å jobba med tre nye reguleringsplanar.
Kommunedirektøren la fram ei sak om utvikling av næringsareal. Innstillinga lydde:
1. Kommunedirektøren vert beden om å setja i gang arbeid med reguleringsplanar for:
Artikkelen held fram under annonsen.
a. Industriområde Årsnes (Lyngstrand)
b. Besøksmål Bondhusdalen (Mauranger)
c. Trafikksikring, massetak, næring og bustad på Landa (Halsnøy)
2. Kommunedirektøren kan starta arbeidet med utbyggingsavtalar for planane om det gjennom planprosessen viser seg føremålstenleg.
«Det må utarbeidast reguleringsplanar for å koma vidare med tilrettelegging for næringsutbygging mange stader i Kvinnherad. Tida er særleg moden for å starta planarbeid på Årsnes, Bondhusdalen og Landa», stod det i sakspapira.
– Eg vil ha inn ordet «straks» i punkt 1. No er eg utolmodig, spesielt på Årsnes vil eg snarast ha på plass eit næringsområde, sa Leif Sverre Enes (H), og fekk full tilslutnad til forslaget.