Startar opp søk etter nytt funn i sakna-sak
Søndag fekk politiet inn ein mobiltelefon som dei trudde kunne vera knytt til forsvinningssak.
Same dag som Vest politidistrikt sendte ut saknamelding etter Kjell Edvin Ølmheim (48), kom det inn ein telefon som ein forbipasserande hadde funne langs vegen ved Erslandsvatnet på Utåker.
– Det var grunn til å tru at denne telefonen kunne knytast til den sakna mannen, og den blei derfor sendt til Bergen for undersøking. Der kom det fram at telefonen tilhøyrde Ølmheim, seier politistasjonssjef Sigurd Børve.
Annonse
Startar søk
Funnet har dermed sett i gang eit omfattande søk.
– Røde Kors, politi og redningsskøyta skal no i gang med å søka etter den sakna mannen i dette området som han mest truleg skal ha vore i, fortel Børve.
Framleis jobbar politiet med å innhenta elektroniske spor via bomstasjonar og ferjer.
Annonse
Tekst: Gina Eriksen Albrethson
