Startar opp nytt livsmeistringskurs

Kurset tar opp tema som håp, identitet, tilhøyrsle, meining i livet og eigen styrke.

«Alle har draumar, ynskjer og mål for framtida. Vi har bruk for dine idear og dine erfaringar. Vi samlast i ei gruppe og arbeidar saman for at kvar einskild skal få fram sine ynskjer og mål for framtida.» heiter det i kursomtalen som er publisert på Kvinnherad si digitale oppslagstavle Friskus.

Kurset, som går over 6 veker, har fokus på sjølvrefleksjon rundt eige liv og korleis ein kan ta styring for å leve det livet ein ønskjer, og høver for alle som opplever små eller store utfordringar i kvardagen, informerer Kvinnherad kommune.