Starta spleis for nytt lydanlegg

– Anlegget her har vore modent for utskifting veldig lenge, og no skal det oppgraderast til å vera eit anlegg som er brukande til meir. Det skal vera både kompatibelt med Bluetooth, utgang for fleire mikrofonar når fleire skal synge saman og betre teleslynge for høyrselshemma, skriv soknerådskasserar Jostein Bjørnevik om bakgrunnen for spleisen.

Han skriv vidare at soknerådet innser at korkje økonomien deira eller økonomien til Fellesrådet er god nok til at dette blir prioritert dei næraste åra.

– Då tar me saka i eigne hender, og håper at folk vil vera med på å støtta. Soknerådet har nokre midlar som er gitt i samband med minnekonserten etter Svale Våge, samt minnegåver i forbindelse med gravferder, men dette held dessverre ikkje heilt til den oppgraderinga som kyrkja treng no, forklarer han vidare.

Jo meir som blir samla inn, jo betre lydanlegg vil det bli, men me håper i alle fall på at me klarer å samle inn 60.000 kroner, sluttar Bjørnevik.