Stadig meir trafikk i denne tunnelen

Tala er henta frå Statens Vegvesen sin målestasjon på Tofte på Halsnøy, og viser at i år som alle tidlegare år sidan opninga i 2008, er det trafikkauke i Halsnøytunnelen. Dette var også tilfellet under pandemiåra.

At tunnelen blei gratis september 2019, har også gjort sitt for at trafikken på strekninga har meir enn dobla seg berre sidan 2016.

Ser ein på den gjennomsnittlege døgntrafikken per år, finn ein at det i snitt passerte 135 fleire bilar i døgnet i 2024, samanlikna med året før. Ser ein på dei ulike månadane for 2024 er det, i motsetning til Folgefonntunnelen, ingen av månadane som har hatt nedgang.

Månaden med den største utvikla frå året før er mai, med 233 fleire passeringar i snitt enn same månad i 2023. Mai blei samstundes den mest trafikkerte månaden i fjor.

Gjennomsnittleg døgntrafikk per år

2009: 730

2015: 952

2016: 1005

2019: 1258

2020: 1613

2021: 1850

2022: 1906

2023: 2024

2024: 2159

* Halsnøytunnelen opna 8. mars 2008, og vart gratis 5. september 2019.