Stadfesta store problem med grunntilhøva
Grunntilhøva ved Tveit bru og Bringedal bru går utover både framdrifta og kostnaden for gang- og sykkelvegen i Herøysundet.
Publisert
Det stadfesta Kathrine Løno Lahlum frå Vestland fylkeskommune då ho vitja kommunestyret førre veke.
– Arbeidet har for så vidt gått greitt, heilt til vi kom til bruene. Der har vi hatt ein del problem med grunntilhøva. Vi har måtta gjera fleire masseutskiftingar enn planlagt, og det har gått utover framdrifta og kostnaden, sa ho.
Annonse
– Er det gjort for dårleg forarbeid? undra Øyvind Hardeland (Ap).
– Det er ikkje dei same grunntilhøva ved bruene som der det vart føreteke grunnundersøkingar. Ved bruene er det frykteleg dårlege massar, svarte Lahlum.
Ho reknar med at prosjektet er ferdig i mars neste år.
