Utnemninga av Kjersti Toppe (fremst) til barne- og familieminister kjem til å få konsekvensar for Hans Inge Myrvold. Han blir no fast møtande stortingsrepresentant.

Stadfesta: Hans Inge Myrvold blir stortingsrepresentant

Påtroppande statminister Jonas Gahr Støre offentleggjorde torsdag at Sp-representanten Kjersti Toppe blir barne- og familieminister. Dermed blir Hans Inge Myrvold fast møtande vararepresentant til nasjonalforsamlinga så lenge Toppe er minister.

Håvard Sætrevik
Redaktør/Grenda
Publisert Sist oppdatert

Det har sidan tidleg i valkampen vore spekulert i kva konsekvensar stortingsvalet 2021 ville kunna få for ordførar Hans Inge Myrvold og taburettane lokalt i Kvinnherad.

Myrvold er på tredje plass på stortingslista til Hordaland Senterpart, og meiningsmålingane tidleg på året hadde Myrvold inne som fast representant, gitt den høge oppslutninga på det tidspunktet.

Fram mot valdagen sokk oppslutninga, men Sp fekk likevel inn to representantar frå Hordaland. Dermed vart Hans Inge Myrvold første vara til stortingsplassen. Når no Kjersti Toppe blir barne- og familieminister, går ho ut av Stortinget, som igjen betyr at Hans Inge Myrvold tar hennar plass i nasjonalforsamlinga så lenge ho er statsråd.

politikk nyhende hans inge myrvold stortinget
Powered by Labrador CMS