Stabile tal på mottakarar av AAP i Kvinnherad
Ut frå NAV sine statistikkar over kor mange det er som har motteke arbeidsavklaringspengar i løpet av 2021, kan ein sjå at talet for Kvinnherad har halde seg stabilt gjennom året.
Publisert
Statistikken viser korleis utviklinga har vore i perioden frå januar til november, og for Kvinnherad sin del både byrjar og endar statistikken på 273 personar. Flest mottok AAP i mars, då talet for kommunen var oppe i 285, og lågast i juli, då talet på mottakarar var nede i 267.
Til samanlikning kan nokre av nabokommunane nemnast. I november 2021 var det 194 personar frå Ullensvang kommune som mottok arbeidsavklaringspengar, medan talet i Kvam var 167. På Stord var talet 414, på Tysnes 62, og i Etne fekk 86 innbyggjarar AAP i november.
Annonse
I Vestland har det totalt sett vore ein svak auke i løpet av denne perioden. I januar 2021 var det 13.848 personar som mottok arbeidsavklaringspengar i regionen. I november hadde talet stige til 14.668.
