SSB: Foreldrebetaling for heiltidsplass i barnehage har auka
Nye tal frå Statistisk sentralbyrå viser at den månadlege snittprisen på ein barnehageplass ligg på 3106 kroner i Norge. I Kvinnherad betaler føresette i snitt 3359 kroner i månaden for ein heiltidsplass.
Publisert
Statistisk sentralbyrå (SSB) gjennomfører ei årleg undersøking av foreldrebetalinga for fulltidsplass i private og kommunale barnehagar. Tala som vart presentert 4. mai gjeld for januar 2022, og ifølgje statistikken har foreldrebetalinga auka med 3,8 prosent frå 2021.
«Eit års fulltids-opphald i norske barnehagar inkludert kostpengar og andre tilleggsutgifter kosta på landsbasis i snitt 34 165 kroner i januar 2022. Dette er 3,8 prosent høgare enn på same tidspunkt i 2021», opplyser SSB.
Annonse
Høgare satsar for private barnehagar
Satsane for private barnehagar er noko høgare enn for kommunale.
«Hushald med barn i privateigde barnehagar betalte i gjennomsnitt litt under 4 200 kroner i januar 2022 i kostpengar og andre tilleggsutgifter årleg, medan dei i januar 2021 betalte litt under 3 900 kroner», skriv SSB vidare.
I 2015 vart det innført ei nasjonal ordning for foreldrebetalinga i barnehagar. Ordninga skal sikre at ingen hushaldningar bruker meir enn 6 prosent av deira samla inntekter på ein barnehageplass, og heller ikkje betaler meir enn maksimalsatsen.
Annonse
Frå januar 2022 er maksimalsatsen sett til 3 315 kroner, noko som gjeld for både private og kommunale barnehagar.
