SR-Bank fusjonerer til storbank
SpareBank1 SR-Bank slår seg saman Sparebanken1 Sørøst-Norge og skaper landets soleklart største sparebank.
Publisert
Sist oppdatert
Bankgiganten får ein forvaltingskapital på 500 milliardar kroner, blir den soleklart største sparebanken i Norge og den nest største banken på landsbasis.
– SR-Bank er i utgangspunktet den største sparebanken i landet. No blir me ein del av noko endå større. Konsernet får 2300 tilsette, og 25 av dei i Kvinnherad, seier banksjef i Kvinnherad -avdelinga Ivar Gundersen.
Annonse
Utfyller kvarandre
Konsernsjef i SpareBank 1 SR-Bank Benedicte Schilbred Fasmer meiner den nye banken blir ein sterk konkurrent til norske og nordiske forretningsbankar.
– Me blir ein kraftfull aktør med hovudkontor utanfor hovudstaden. Kundane vil få eit betre tilbod og tilgang til sterke kompetansemiljø. Me får lågare kapitalkostnader og god utnytting av våre stordriftsføremonnar, seier ho i ei pressemelding.
Blant desse føremonnane er samarbeidet internt i SpareBank 1-alliansen, med mellom anna felles utvikling av nye digitale løysningar og handtering av krav frå styresmaktene.
Annonse
– Me skal styrke den lokale sysselsettinga og bidra til mange attraktive arbeidsplassar i hele Sør-Norge. Me inviterer derfor alle medarbeidarane i dei to bankane til å bli med videre. Kontorene kompletterer kvarandre geografisk, og me opprettheld kontorstrukturen som i dag, seier konsernsjefen i SpareBank 1 Sørøst-Norge Per Halvorsen i same pressemeldinga.
Fasmer skal vera konsernsjef i den samanslegne banken, medan Halvorsen blir visekonsernsjef.
– Kva får dette å seia for SR-Bank i Kvinnherad?
– Det styrkar tilbodet og kompetansen vår etter. Jo større konsernet er, jo breiare styrke får me. Ein får fleire til å yta hjelp og ein har eit breiare spekter å ha kompetanse innan, meiner banksjef for SR-Bank i Kvinnherad Ivar Gundersen.
Samanslåinga skjer juridisk sett i juli neste år. Den nye banken kjem då til å ha 65 lokalkontor.
