Sprechen Sie gut Deutsch?
Og ynskjer du å jobba som lærar i språket? Då håpar KVV du søkjer på den ledige stillinga dei no har lyst ut.
Publisert
Kvinnherad vidaregåande har no lyst ut ei fast undervisningsstilling på 43 prosent i tysk. Skulen tilbyr tysk II på vg1 og vg2 studiespesialiserande, og håpar å få tak i lærar til faget frå og med 1. august.
«Dersom søkjar har andre relevante fag skulen har trong for, kan det bli høve til å auke stillinga. Kvinnherad vgs har også eit godt samarbeid med Kvinnherad kommune, og det kan bli aktuelt å kombinere med tyskundervisning også på ein ungdomsskule i nærleiken dersom den som blir tilsett er interessert i det», heiter det i stillingsannonsen.
Annonse
Kvinnherad vidaregåande skule har omlag 400 elevar og 80 tilsette. Skulen søkjer også etter ny rektor etter at Audun Bjelland har takka ja til stillinga som rektor i den nye Nettskulen i Vestland.
