Spør om symjeopplæringa
I forkant kommunestyremøtet torsdag har varaordførar Hilde Enstad (A) og Hege Lægreid Røssland (SF) spurd om å få vita kor mange 4. klassingar som har nådd kompetansemåla i symjing i 2021.
Publisert
– I siste formannskapsmøte vart politikarane orienterte om korleis skulesektoren ser for seg framtidas symjeundervisning i Kvinnherad. Underteikna uttrykte bekymring for om det skisserte opplegget gjer våre elevar i stand til å nå dei nye kompetansemåla. Me ber ordføraren gjera greie for kor mange av elevane på 4. trinn som har nådd kompetansemåla i 2021 og kor mange som ikkje har greidd og kva tiltak ein vil setje i gang for disse elevane, skriv koalisjonskameratane Hege Lægreid Røssland (SV) og Hilde Enstad (AP) i eit spørsmål til ordføraren.
Dei undrar også på om ungdomsrådet har vore involvert i saka, og ber ordføraren «leggja til rette for at kommunestyret kan få drøfte oppvekstkår med fokus på andre faktorar enn struktur i eiga sak til hausten».
Annonse
Ny læreplan
I etterkant av formannskapsmøtet 10. juni vart det klart at symjeundervisninga og opningstidene til bassenga i Kvinnherad vert kutta frå komande skuleår. Dette har avstadkome ulike reaksjonar, mellom anna ein demonstrasjon for å slå ring om symjeopplæringa og bassenget i Rosendal i førre veke. (lenke)
Den nye læreplanen i kroppsøving, som gjeld frå hausten 2020, gjev kompetansemål i svømme- og livredningsopplæring. Etter 4. trinn skal elevane vera svømmedyktig ved å falla uti på djupt vatn, og mellom anna kunna symja 100 meter på magen og ryggen.
– Ansvaret ligg hos skuleeigar og rektor. Skuleeigar er i tillegg ansvarleg for at dei som underviser i symjing, har tilstrekkeleg kompetanse til å undervise elevane slik at dei når kompetansemåla, påpeikar dei to politikarane.
