Spør om KULA-området i Rosendal

Rosendal er klassifisert som eit kulturhistorisk landskap av nasjonal interesse (KULA). Øyvind Utne ber om orientering om dette.

I følgje ein rapport frå Riksantikvaren frå 2016 er Rosendal «ein naturleg og historisk viktig møtestad som er sårbart for høge eller store strukturer. Reguleringsplanar for tettstaden bør sikre omsynet til landskapsverdiane i tettstadutviklinga».

– I utgangspunktet bør ein jo vera stolt over at vår kommune har eit kulturhistorisk landskap av nasjonal interesse. Likevel kan eg ikkje minnast at dette har vore politisk handsama, og det verkar uklart i ettertid korleis kommunen vart involvert ved opprettinga av dette område, skriv Øyvind Utne i eit spørsmål til ordføraren.

Han ber om orientering om fire spørsmål;

– Korleis vart kommunen involvert ?

– Er grunneigarane i området varsla om dette vernet?

– Kva konsekvensar får det at området skal merkast som omsynssone i kommuneplanens arealdel, slik Riksantikvaren ber om i vedlagt rapport?

– Kva føremoner kan KULA området bety for framtida, og har ein sett positive ringverknader til no?